په ننګرهار ولايت کې د معاملاتو لارښوونې د څلورو دفترونو تړل کېدل
د ننګرهار ولایت د معاملاتو لارښوونې له دفترونو څخه نظارتي کمېټې، د محرم الحرام مياشتې په ۲ مه نېټه د دوشنبې په ورځ د ياد ولایت د مرکز جلال آباد ښار په دوه یمه ناحيه کې د معاملاتو لارښوونې له یو شمېر دفترونو څخه نظارت ترسره کړ.
د نظارتي کمېټې د دغه نظارت او بررسۍ په پایله کې، د معاملاتو لارښوونې څلور دفترونه د غير قانوني فعالیت له امله وتړل شول او د معاملاتو لارښوونو د نورو دفترونو متصدیانو ته د شته نيمګړتياو د اصلاح او د کاري چارو ښه پرمخ وړلو په اړه لازمې توصیې وشوې.
د معاملاتولارښوونې له دفترونو څخه نظارتي کمېټه د ننګرهار ولایت د عدلیې رياست په مشرۍ رامنځته شوې، په دوامداره توګه د معاملاتو لارښوونو له دفترونو څخه نظارت ترسره کوي تر څو د غير قانوني فعالیتونو مخنيوي وشي.
