د تېرې یوې مياشتې په ترڅ کې په تخار ولایت کې ۱۲۰۰ جریبه امارتي ځمکې استرداد
د ځمکو له غصب څخه د مخینوي کمېسیون او په ولایتونو کې یې تخنیکي هیئتونو د ۱۴۴۵ هجري قمري کال د ذوالقعدې د میاشتې په اوږدو کې میلیونونه جریبه امارتي ځمکې تثبیت کړي. دغه راز د یادې مودې په ترڅ کې په تخار ولایت کې ۱۲۰۰ جریبه امارتي ځمکه له غاصبانو څخه استرداد او اړوندو ادارو ته سپارل شوې ده.
په همدې موده کې د ولایتونو تخنیکي هيئتونو په ۲۳ ولایتونو څه ۴ ميليونه ۲۷۰ زره او ۶۹۵ جریبه امارتي ځمکې تثبیت کړي دي.
همدارنګه یاد هئيتونو په ټول هېواد کې د تېرې مياشتې په اوږدو کې څه باندې ۲۱۵ زره او ۳۲۸ جریبه ځمکې بررسې کړې.
د امارتي ځمکو د بررسي، تثبیت او استرداد بهير په ټولو ولایتونو کې دوام لري او د غصب شويو زرګونه جریبه امارتي ځمکو دوسیې، د ځمکو د غصب د مخنيوي کمېسيون او په ولایتونو کې د ياد کمېسيون د تخنيکي هئيتونو تر بررسي لاندې دي.
