په کندز ولایت کې د ۴۰۰ جریبه امارتي ځمکې تثبیت او تشخیص
د کندز ولایت د ځمکو د غصب د مخنیوي تخنیکي هيئت د روژې د مياشتې په ۲۱ مه نېټه د یکشنبې په ورځ د سيد زينو آغا د مهاجرينو ښارګوټي د بررسۍ په موخه د ياد ولایت دشت ارچي ولسوالۍ ته سفر وکړ.
ياد هئيت په ساحه کې له غاصبينو سره تر خبرو اترو وروسته د استعلامونو په واسطه د سندونو مطالبه وکړه او وروسته یې په ساحه کې ۴۰۰ جریبه امارتي ځمکه تثبیت او تشخيص کړه. هیئت پرېکړه وکړه چې د یادې ځمکې دوسیه د وروستۍ پرېکړې په موخه مرکزي کمېسیون ته واستول شي.
