۳ تنو مدافع وکیلانو ته د فعالیت جواز وویشل شو
د عدلیې وزارت د مدافع وکیلانو ریاست د رجب المرجب د میاشتې په ۲۶ نېټه د چهارشنبې په ورځ د یو لړ مراسمو په ترڅ کې د دفاع وکالت د جواز ۳ تنو غوښتونکو ته د فعالیت جوازونه وویشل.
په دغو مراسمو کې د مدافع وکیلانو رئیس مولوي سیدحبیب الحبیب او د یاد ریاست نورو مسؤولینو حضور درلود او د دفاع وکالت د جواز ۳ تنو غوښتونکو چې ازموینه او د دغې پروسې نور پړاوونه یې په بریالیتوب سره تېر کړي وو خپل جوازونه ترلاسه کړل.
په دغو مراسمو کې د عدلیې وزارت د مدافع وکیلانو رئیس د دفاع وکالت یوه مهمه دنده وبلله او یادو مدافع وکیلانو ته یې د مبارکۍ ترڅنګ، د خپلو موکلینو د حقوقو د دفاع په برخه کې يې هغوی لپاره د بریالیتوب هیله وکړه.
د فعالیت جواز د ویشلو بهیر هغو مدافع وکیلانو ته چې ازموینه او نور پړاوونه یې تېر کړي په دوامداره توګه د عدلیې په وزارت کې دوام لري.
