د کار موندنې خبرتیا

د افغانستان اسلامي امارت لوړو موخو ته د رسیدلو په منظور د عدلیې وزارت د سالمې ادارې رامنځته کولو او اصلاح په موخه، کار اهل د کار ته د سپارلو، او د ژمنو انساني ځواک او د عدليې وزارت د اړتیا وړ د جذب او استخدام  له پاره د کنټرول او نظارت بورد غړی (څلورم رتبه) یو بست د لس کاري ورځو له پاره ۱۴۰۲/۸/۱ تر ۱۴۰۲/۸/۱۱هـ . ل سره سمون خوري اعلان ته سپاري.

د دندې سرلیک: د کنټرول او نظارت بورد غړی

بست: (۴)

وزارت یا اداره: عدلیې وزارت

اړونده برخه: د داخلي پلټنې ریاست

دپست موقعیت: کابل

راپور ورکول: د کنټرول او نظارت بورد آمر ته

د دندې موخه:

د اصولو، موخو، پالیسۍ، لوایحو، کړنلارو او د اړوند نافذ شویو تقنینو سندونو په مطابقت کې د مفتشینو او د وزارت تر اثر لاندې ادارو د کاري اجراآتو له بهیر څخه نظارت او کنټرول.

د دندې واکونه او مسؤلیتونه:

تخصصي دندې:

۱- د اداري فساد د تشخیص، کمولو او د هغه د مخنیوي په منظور د عدليې وزارت د ټولو ریاستونو د مسلکي او اجرائیوي اجراآتو نظارت او کنټرول؛

۲- د کاري اجراآتو له حالت او د ځنډ له څرنګوالي او له ناکامۍ څخه نظارت او کنټرول، د هغو د لري کولو په غرض د ذیصلاح مقاماتو د تصمیم نیولو په موخه د اصلاحي نظریاتو وړاندې کول؛

۳- په وخت له نظارت شویو ادارو څخه د راپورونو ترتیب او اړوند آمر ته د هغو وړاندې کول؛

۴- د ذیصلاح آمرینو له لارښوونې سره سم د مراجعینو ستونزو ته د رسیدګۍ په منظور له اړوند ادارو څخه د پاڼو او سندونو غوښتل؛

۵- د مراجعینو د رارسیدل شویو شکایتونو په برخه کې په وخت او لازمه رسیدګي او اړوند آمریت ته د هغې راپور وړاندې کول.

مدیریتي دندې:

۶- د ټاکل شویو موخو ترلاسه کولو لپاره؛ د ادارې له عمومي پلان سره سم د میاشتني، ربعوار او کلني کاري پلان جوړول او ترتیب؛

۷- د وزارت د مشرتابه د خبرولو په غرض د اړوندې برخې د فعالیتونو او لاسته راوړنو او د ضرورت په مهال د میاشتني، ربعوار او کلني راپور  وړاندې کول؛

۸- له قوانینو، مقررو او د وزارت د موخو مطابق د ذیصلاح مقاماتو له لورې د نورو ورسپارل شویو دندو ترسره کول؛

د همغږۍ دندې:

۹- د سپارل شویو چارو په مخ وړلو لپاره له نورو اړوندو برخو سره د همغږۍ او اړیکو ساتل.

د ګمارنې شرطونه (د تحصیل او کاري تجربې کچه):

دغه لایحه د ملکي خدمتونو د کارکوونکو د قانون د ۸،۷ او ۳۴ موادو پام کې نیولو سره لږ  تر لږه په لاندنیو شرطونو او معیارونو سره ترتیب شوې ده:

تحصیلي څانګه: لږ تر لږه په اسلامیاتو، شرعیاتو، حقوقو، اقتصاد، اداره او عامه پالیسۍ څانګو کې د لیسانس تحصیلي سند درلودل پورته یادو شوو څانګو کې د لوړو درجو درلودونکو ته لومړیتوب ورکول کیږي؛

کاري تجربه: لږ تر لږه یو کال د دندې اړوند کاري تجربه درلودل؛

لازم مهارتونه:

• د هیواد په یوې رسمې ژبې (پښتو یا دري) تسلط او  له انګلیسي ژبې (لیکنې او خبرې کولو) سره آشنايي؛
• د دندې اړوند د کمپیوټري برنامو مهارتونه درلودل؛

په شرایطو برابر غوښتونکي کولای شي د اعلان شوي بست غوښتنلیک فورم له (دغه ځای ) او یا هم د بشري سرچینو د ریاست د استخدام آمریت څخه په حضوري ډول  ترلاسه کړي د فورمې له ډکولو څخه وروسته د ضرورت وړ سندونو او خپل کاري تجربې سره یوځای  په ټاکل شوي وخت د بشري سرچینو ریاست ته تسلیم کړي.