د جوزجان ولایت د ځمکو د غصب د مخنیوي د تخنیکي هیئت د ناستې جوړیدل
د جوزجان ولایت د ځمکو د غصب د مخنیوي تخنیکي هیئت ناسته د ذوالحجې د میاشتې په ۳ نېټه د چهارشنبې په ورځ د هیئت د سرپرست (مستوفي) او غړو په حضور سره جوړه شوه او د جوزجان له والي سره د ناستې جوړولو په اړه په کې تصمیم ونیول شو.
په دغې ناسته کې د خواجه دوکوه، قوشتپه ولسوالیو او د جوزجان د مرکز ترمنځ د عامه څړځای ځمکو د ساحو په اړه د یاد هیئت بشپړ شوي راپورونه هم مطالعه او بررسي شول او د تائید وړ وګرځېدل.
په همدې توګه د خواجه دوکوه سیند د لویدیځ برخو په کلیو کې د امارتي غصب شوو ځمکو دوسیې په اړه بحث وشو او د هغې د بررسۍ او څېړنو له پاره مسلکي ټیم توظیف شو.
په دغې ناسته کې، د جوزجان د بېلابېلو ساحو په تړاو د توظیف شوو ټیمونو لخوا د څېړنو راپور وړاندې شو چې د هغو په اساس د جوزجان ولایت د مرکز اړوند د افغانګاز تصدۍ د استوګنې پروژې، د نوآباد یکه پته، ترناب، اوزبکیه او جلال آباد کليو کې د غصب شوو امارتی ځمکو بررسۍ بشپړې شوي او په نور ساحو کار دوام لري.
ټاکل شوې بشپړ شوي راپورونه ډیر ژر مرکزي کمېسیون ته واستول شي.
