د ننګرهار ولایت د ځمکو د غصب د مخنیوي د تخنیکي هیئت د ناستې جوړیدل
د ننګرهار ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۲۹ نېټه د یکشنبې په ورځ د دغه هیئت د رئیس او غړو په حضور سره جوړه شوه او په لعلپور ولسوالۍ کې د یو شخص د موضوع په اړه په کې بحث وشو او پریکړه وشو چې د موضوع په تړاو استعلام وویشل شي.
په دغې ناسته کې، د کامې ولسوالۍ په خاصې کامې ساحه کې په اجاره ورکړل شوې ځمکې په اړه هم بحث وشو او پریکړه وشوه چې د ګمارل شوي هیئت نظر له مرکزي کمېسیون سره شریک کړل شي.
دغه راز په یاده ناسته کې، د باریک آب ساحې د چوره ګلۍ میدان په اړه پریکړه وشوه چې د ریاست الوزرا د لارښوونې په اساس، هیئت په دقیق ډول له نږدې څخه ساحه بررسي کړي او د عارضینو معلومات واخیستل او د هغوی سندونه بررسي شي او راپور یې ترتیب او د لارښوونې په غرض مرکزي کمېسیون ته وړاندې شي.
