د بلخ ولایت د ځمکو د غصب د مخنیوي د تخنیکي هیئت د ناستې جوړیدل
د بلخ ولایت د ځمکو د غصب د مخنیوي تخنیکي هیئت ناسته، د ذوالقعدې د میاشتې په ۲۲ نېټه د یکشنبې په ورځ د دغه هیئت د رئیس او غړو په حضور سره جوړه شوه او د هوايي ډګر په جنوب کې د بهراب استوګنې ښارګوټي په نوم د ۱۰۲۰ جریبه امارتي ځمکې استرداد موضوع بررسي شو او پریکړه وشوه چې اجراآت د مرکزي کمېسیون له لارښوونې سره سم ترسره شي او د هغو د استرداد په برخه کې اقدام وشي.
په دغې ناسته کې، د ترکمن علي خاني پروژې په نوم د ۵۰۰ جریبه امارتي ځمکې په اړه بحث وشو او پریکړه وشوه چې اړوند معلومات یې بشپړ شي. دغه راز د یو شخص په تصرف کې د ۲۱ جریبه ځمکې په اړه بحث وشو او پریکړه وشوه چې ساحه د مسلکي هیئت له خوا له نږدې ولیدل شي.
دغه راز په دغې ناسته کې د حبیب الله شهید ښارګوتي، هاشمي ښارګوټي، استقلال ښارګوټي، زینبیه ښارګوټي، د مامورینو ښارګوټي او د ۱۴۴۵ کال د کاري پلان جوړولو په برخه کې بحث او د نظرونو تبادله ترسره او په اړه یې لازم تصمیم ونیول شو او یو شمېر لیکوونه هم د عدليې ریاست د امارت د قضایاو آمریت ته راجع شول.
دغه راز یاد شوي هیئت پریکړه وکړه چې راتلونکي ورځ د نهرشاهي ولسوالۍ مومن آباد ساحې ته ولاړ شی او د خان آقا وردک او د نوموړي د شریکانو د کرنیز فارم ۱۰۰۰۰ جریبه ځمکې څخه لیدنه او بررسی وکړي.
