د اطلاعاتو او کلتور وزارت له معین سره د عدلیې وزارت د مسلکي معین کتنه
د اسلامي امارت د عدلیې وزارت مسلکي معین شیخ الحدیث مولوي عبدالکریم حیدر، د ذوالقعدې میاشتې په ۴ نېټه د چهارشنبې په ورځ د اطلاعاتو او کلتور وزارت د کلتور او هنر له معین مولوي عتیق الله عزیزي سره د عدلیې وزارت په مقر کې وکتل او خبرې يې ورسره وکړې.
په دغې کتنه کې، د عدليې وزارت د تقنین لوی رئیس مفتي فضل هادي صاحب زاده او د یاد وزارت د جمعیتونو او خیریه بنسټونو رئیس مولوي محمد یاسین حقاني هم حضور درلود او د اطلاعاتو او فرهنګ وزارت د قوانینو او مقرراتو، د ژورنالیستانو د اتحاديې او نورو موضوعاتو په اړه په کې بحث او د نظرونو تبادله ترسره شوه او دغو برخو کې لازم تصمیمونه ونیول شول.
