د پنجشیر ولایت د ځکمو د غصب د مخنیوي د تخنیکي هیئت ناسته جوړه شوه
د پنجشیر ولایت د ځکمو د غصب د مخنیوي د تخنیکي هیئت ناسته د شوال میاشت په ۲۷ نېټه د چهارشنبې په ورځ د دغه هیئت د رئیس او غړو په حضور سره جوړه شوه او د ملکان کلي د ستونزو په اړه په کې بحث او خبرې وشوې.
په دغې ناسته کې، د شتل ولسوالۍ د غصب شویو ځمکو په اړه چې وړاندې د هیئت لخوا بررسي شوي او غاصبینو یې و نه شو کولی شرعي سندونه وړاندې کړي، پریکړه وشوه چې دغه ځمکه «شبه امارتي» ده.
په دغې ناسته کې، د پنجشیر د مرکز د پاراخ کلي د اوسیدونکو او د حج او اوقافو ریاست دوسیه هم بررسي شوه او پریکړه وشوه چې ساحه د تخنیکي ټیم لخوا سکيچ شي او په هغه صورت کې چې وقفي وي، هغه افراد چې ورځني ګټه پورته کوي، یاد ریاست ته کرایه ورکړي.
دغه راز، د ۲ نورو حقوقي دوسیو په اړه پریکړه وشوه چې دوسیې د راتلونکو اجراآتو له پاره اړونده مرجع ته واستول شي. یو شخص ته د استعلام د ویشلو، عنابې ولسوالۍ ته د تخنیکي هیئت د سفر او د غصب شویو ځمکو د تثبیت څنګه والي په اړه هم بحث وشو او دغې برخه کې لازم تصمیمونه ونیول شول.
