په غزني ولایت کې کابو ۸۴۴۰۰ جریبه ځمکه امارتي تثبیت شوه
د غزني ولایت د ځمکو د غصب د مخنیوي تخنیکي هیئت ددغه ولایت اندړ او ګیرو ولسوالیو ته سفر وکړ او نږدې ۸۴۴۰۰ جریبه ځمکه یې امارتي تثبیت کړه او د هغې له غصب څخه یې مخنیوی وکړ.
دغه هیئت د یادو شویو ولسوالیو په سویل کې لاړوتو ساحې ته ولاړ او د هغې درې قطعې ځمکې یې امارتي تثبیت کړې. ددغې ځمکې لومړۍ قطعه ۲۶۱۰۰ جریبه، دوه یمه قطعه یې ۲۹۴۹۵ جریبه او دریمه قطعه کې یې ۲۸۸۰۲ جریبه ځمکه په کې شامله ده.
دغه هیئت یادې شوې ټولې ځمکې چې مجموع یې ۸۴۳۹۷ جریبه ځمکه کیږي، امارتی تثبیت کړې او د هغوی له غصب څخه یې مخنیوی وکړ. دغه هیئت یاد غاصبین هم راتلونکې ورځ وغوښتل.
