کندز کې له ۱۹ موټر پلورنځيو څخه نظارت ترسره شو
د کندز ولایت د عدلیې رياست او د مستوفیت رياست ګډ نظارتي پلاوي د شوال د مياشتې په ۲۲مه نېټه د یکشنبې په ورځ، د کندز ښار اړوند له یو شمېر موټر پلورنځيو څخه نظارت ترسره کړ او د هغو فعاليتونه یې بررسي کړل.
نظارتي پلاوي د دغه نظارت په ترڅ کې د موټر پلورنځيو مالياتي تصفیې اسناد، د فعاليت جوازونه، رسمي سټې او نور اړين سندونه بررسي کړل.
د دغه نظارت او بررسۍ په ترڅ کې، یو موټر پلورنځی د غير قانوني فعالیت له امله وتړل شو او د پاتې نورو موټر پلورنځيو متصدیانو ته د شته نيمګړتياو د اصلاح او د کاري چارو ښه پرمخ وړلو په موخه لازمې توصیې وشوې.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
