په کندز ولایت کې یو شمېر عریضه ليکوونکو لپاره زده کړه ییزه برنامه جوړه شوه
د کندز ولایت عدلیې ریاست، په یاد ولایت کې یو شمېر عریضه ليکوونکو لپاره یوه ورځنۍ زده کړه ییزه برنامه جوړه کړه.
په دې برنامه کې چې د جمادي الثاني د میاشتې په ۱۷ مه نېټه جوړه شوه، د یاد ریاست د انسجام عمومي مدیریت مسؤولینو پهکې ګډونوالو ته د عریضه ليکنې د اصولو، د عریضه لېکنې اړوند تقنيني سندونو او د چارو ښه پرمخ وړلو په موخه لازمې لارښوونې وکړې.
دغه راز په دې برنامه کې عریضه ليکوونکو هم خپلې پوښتنې او ستونزې مطرح کړلې او د عدلیې ریاست مسؤولینو د هغوی پوښتنو ته ځواب وړاندې کړ او د ستونوزو د لرې کولو په برخه کې یې هغوی ته ډاډ ورکړ.
