په کندز ولایت کې د ۳۷۵ جریبه ځمکې تثبیت او تشخیص
![.](/sites/default/files/2024-01/kndz1.jpg)
د کندز ولایت د ځمکو د غصب د مخنیوي تخنیکي هیئت د رجب المرجب د میاشتې په ۳ نېټه د دوشنبې په ورځ په دشت ارچي ولسوالۍ کې د دریو کادستري ټوټو په بررسۍ سره، ۳۷۵ جریبه امارتي ځمکه تثبیت کړه.
یاده شوې ځمکه د دشت ارچي ولسوالۍ په وزیرخان ساحه کې موقعیت لري او ۲۲۷، ۲۲۸ او ۲۲۹ ټوټې په کې شاملې دي چې هیئت له نږدې څخه هغه بررسي کړې.
دغه ځمکه ۳۷۵ جریبه ده چې د سندونو له مخې، په ۱۳۵۴هجري لمريز کال کې د امارتي ځمکې په حیث سروې شوې وه. تخنیکي هیئت د هغې د دوسیې د بشپړولو او د پړاوونو تېرولو په اړه لازمې لارښوونې وکړې.
دغه راز یاد هیئت د کندز په مرکز کې الچین ساحې ته هم ولاړ او ۵۰۰ جریبه استرداد شوې وقفي ځمکه یې د حج او اوقافو ریاست ته تسلیم کړه.