په پروان ولایت کې څه باندې ۴۲ جریبه ځمکه تثبیت او تشخیص شوه
د پروان ولایت د ځمکو د غصب د مخنیوي د تخنیکي هیئت سرپرست او غړي د جمادي الاول میاشتې په ۱۵ نیټې د چهارشنبې په ورځ د یاد ولایت د بګرام ولسوالۍ صیادو سیمې ته ولاړ او ۹۸ کادستري ټوټه چې د دولتي املاکو په نوم ثبت ده، لیدنې او بررسۍ لاندې ونیوله.
د یادې بررسۍ په پایله کې دغه هیئت یاده شوې ۴۲.۱۵ جریبه ځمکه چې د غاصبینو له لوري غصب شوې او پر هغې باندې مارکیټونه، دوکانونه او کورونه ودان کړي، تثبیت او تشخیص کړه او د هغې له متصرفینو څخه یې د ملکیت سندونه وغوښتل.
