په هلمند ولایت کې له یو شمېر دارالوکالو څخه نظارت ترسره شو
د هلمند ولایت د عدلیې رياست نظارتي پلاوي، د صفرالمظفر د مياشتې په ۷مه نېټه د دوشنبې په ورځ د دغه ولایت په ناوې ولسوالۍ کې له یو شمېر دارالوکالو څخه نظارت ترسره کړ او د هغو فعالیتونه یې بررسي کړل.
د دغه نظارت په ترڅ کې د یادو دارالوکالو یو شمېر اړين اسناد بررسي شول چې په ترڅ کې یې یوه دارالوکاله د سرغړونو له امله وتړل شوه.
همدارنګه پلاوي د پاتې نورو دارالوکالو مسؤولینو ته د چارو د ښه پرمخ وړلو او له موکلینو او مراجعینو سره د ښه اخلاقو او چلند په برخه کې لازمې توصیې وکړې.
دغه اراز نظارتي پلاوي د دغه نظارت په ترڅ کې د مدافع وکیلانو کاري ستونزې واورېدې او د لرې کولو په برخه کې یې هغوی ته د هراړخیزې همکارۍ ډاډ ورکړ.
د هلمند ولایت د عدلیې رياست په دوامداره توګه په یاد ولایت کې له اړوندو برخو څخه نظارت ترسره کوي ترڅو له غير قانوني فعالیتونو څخه مخنيوی وشي او خلکو ته آسانتیاوې رامنځته شي.
