په هرات ولایت کې له يو شمېر دارالوکالو څخه نظارت ترسره شو
د هرات ولایت د حقوقي مرستو آمريت نظارتي پلاوي د جمادیالأولی د میاشتې په ۲۱مه نېټه د سهشنبې په ورځ، په یاد ولایت کې له ۷ دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور سندونه بررسي کړل او متصدیانو ته یې توصیه وکړ چې د اصولو او قوانینو مطابق فعالیت ترسره کړي.
همدارنګه، د دغه نظارت په ترڅ کې نظارتي پلاوي د مدافع وکيلانو کاري هم ستونزې واورېدې او د حل په برخه کې یې هغوی ته د هر اړخیزې همکارۍ ډاډ ورکړ.
