په هرات ولایت کې د څه باندې ۳۵ زره جریبه امارتي ځمکې تثبیت
د هرات ولایت د ځمکو له غصب څخه د مخنیوي تخنیکي هیئت ناسته د شعبان د مياشتې په ۳ مه نېته، د یکشنبې په ورځ، د ياد هيئت د رئيس او غړو په ګډون جوړه شوه.
تخنيکي هيئت په دې ناسته کې، د هرات ولایت د کرخ ولسوالۍ په مسجد چوبي ساحه کې د نههويشت زره اووهسوه اووه (۲۹۷۰۷) جریبه ځمکې او د رباط ولسوالۍ په خوال یکدر ساحه کې د څه باندې شپږزره څلور اتيا (۶۰۸۴) جریبه ځمکو دوسیې تر بحث او بررسۍ لاندې ونيولې او په ترڅ کې یې یادې ځمکې امارتي تثبيت او تشخيص کړې.
همدارنګه په ياده ناسته کې د هرات ولایت د بېلابېلو ساحو د غصب شويو ځمکو اړوند یو شمېر نورې دوسیې هم بررسي شوې او په اړه یې لازم تصامیم ونیول شول.
