په لغمان ولایت کې ۲ موټر پلورنځي د غير قانوني فعالیت له امله وتړل شول
په لغمان ولایت کې د معاملاتو لارښوونې دفترونو او موټر پلورنځيو څخه د نظارت ګډ پلاوي په یاد ولایت کې د ربیع الآخر د مياشتې په ۱۳مه نېټه د دوشنبې په ورځ د یاد ولایت په کچه له یو شمېر موټر پلورنځيو څخه نظارت ترسره کړ.
په دغه ګډ پلاوي کې چې د عدلیې ریاست، مستوفیت او د ښاروالۍ استازي پکې شامل وو او یاد هیئت د نظارت پر مهال د یادو موټر پلورنځيو رسمي سټي، د فعالیت جوازونه، د ثبت کتابونه، د پير او پلور قانونيتوب او یو شمېر نور اړين اسناد بررسي شوو چې په ترڅ کې یې ۲ موټر پلورنځي د غير قانوني فعاليت له امله وتړل شول.
همدارنګه په دې نظارت کې د پاتې نورو پلورنځيو په دفترونو او فعاليتونو کې هم يو شمېر نيمګړتياوې او ستونزې مشخصې شوې چې د یادو ستونزو د حل او همدارنګه د کاري چارو ښه پر مخ وړول په موخه د هغو متصديانو ته لازمې توصیې وشوې.
