په لغمان ولایت کې ۱۱۲ جریبه ځمکه استرداد شوه
د لغمان ولایت د ځمکو د غصب د مخنیوي د تخنیکي هیئت رئیس او غړو د صفرالمظفر د میاشتې په ۲۵ نېټې د دوشنبې په ورځ د امارتي ځمکو د تشخیص او تثبیت په منظور د یاد ولایت علینګار ولسوالۍ ته سفر وکړ.
په دغه سفر کې یاد هیئت د علینګار ولسوالۍ نورالام صاحب د درې د اوسیدونکو ترمنځ د ځمکې د دعوا د حل په منظور، د یادې ساحې له مشرانو او مخورو او د دعوا له لورو سره کتنه ترسره کړه او د هغوی خبرې واورویدې. په همدې توګه دغه هیئت د دعوا لاندې ساحه له نږدې ولیدله او د دعوا لوري یووالي او اتفاق ته وبلل او هغوی ته یې ډاډ ورکړ چې د شریعت او نافذ شویو قوانینو په مطابق به د هغوی موضوع ته رسیدګي وشي.
وروسته تخنیکي هیئت د علینګار ولسوالۍ پړاويي ساحې ته ولاړ او ۱۱۲ جریبه امارتي ځمکه چې یو شمېر اشخاصو ته په اصولي او شرعي ډول په اجاره ورکړل شوې وه، استرداد کړه او د هغې اجاره اخیستونکو ته یې تسلیم کړه.
یاد هیئت د دغې ولسوالۍ ولسوال او د امنیې قوماندان ته لارښوونه وکړه چې له تشخیص او تثبیت شویو ځمکو څخه ساتنه وکړي ترڅو بیا ځل غصب نه شي
