په غزني ولایت کې د عدلیې ریاست او د صرافانو اتحادیې ترمنځ د همغږۍ ناسته ترسره شوه
د غزني ولایت د عدليې رئیس مولوي مطیعالحق عثمان د ذیالقعدې میاشتې په ۲۸مه نېټه د دوشنبې په ورځ، د صرافانو اتحادیې له یو شمېر مسؤولینو سره د دغه ریاست په مقر کې د همغږۍ ناسته جوړه کړه.
په دې ناسته کې چې د عدلیې ریاست یو شمېر نورو مسؤولینو هم ګډون کړی وو، د عدلیې رئیس د خپلو خبرو پر مهال ټینګار وکړ چې د اتحادیې مسؤولین باید خپل فعالیتونه د قوانینو او اصولو مطابق ترسره کړي، له هر ډول جعل او قانونماتوونکو کړنو څخه ځان وساتي، په خپلو کاري چارو کې غفلت ونهکړي او د خپلو فعالیتونو راپورونه له عدلیې ریاست سره شریک کړي.
په ورته مهال د صرافانو اتحادیې مسؤولینو هم خپلې ستونزې او وړاندیزونه شريک کړل او د عدلیې رياست د همکارۍ غوښتونکي شول چې د عدلیې رياست د یادو ستونزو د حل کولو په برخه کې ورته ډاډ ورکړ.
