په عدلیې وزارت کې ثبت شويو خیریه بنسټونو او اتحادیو د هرات له زلزله ځپلو سره څه باندې ٨٠ میلیونه افغانۍ مرسته کړې
د اسلامي امارت د عدلیې په وزارت کې ثبت شویو خیریه بنسټونو او اتحادیو د هرات ولایت له زلزله ځپلو سره کابو ٨٠ میلیونو ٦٨٩ زره او ٢٠٠ افغانۍ مرستې کړي دي.
په دغه وزارت کې د ثبت شویو خیریه بسنټونو او اتحادیو د راپور په اساس، د خیریه مرستو له مجموعې څخه کابو ٦٠ میلیونو ٢٥ زره او ٧٣٠ افغانۍ له ٢٢ خیریه بنسټونو او پاتې نورې ٢٠ میلیونو ٦٦٣ زره او ٤٧٠ افغانۍ د څلورو اتحادیو له لوري مرسته شوي او د هرات ولایت زلزله ځپلو ته ویشل شوي دي.
د اسلامي امارت د عدلیې وزارت له دې وړاندې په یاد وزارت کې له ثبت شويو خیریه بنسټونو او اتحادیو څخه غوښتلي وو چې د هرات ولايت له زلزله ځپلو سره مرسته وکړي.
