په سرپل ولایت کې د معاملاتو لارښوونې دوه دفترونه وتړل شول
د سرپل ولایت د عدلیې ریاست نظارتي پلاوي د ذیالقعدې میاشتې په ۲۸مه نېټه د دوشنبې په ورځ، د معاملاتو لارښوونې له یو شمېر دفترونو څخه نظارت ترسره کړ.
د یاد نظارت پر مهال د دفترونو د فعالیت جوازونه، د ثبت کتابونه، رسمي سټې، لوحې، مهرونه او نور اړین اسناد بررسي شول چې د هغو له جملې څخه دوه دفترونه د غیرقانوني فعالیت له امله وتړل شول.
همدارنګه د نورو دفترونو یو شمېر ستونزې او نیمګړتیاوې مشخصې شوې او د هغو متصدیانو ته توصیه وشوه چې ستونزې او نیمګړتیاوې حل کړي.
په ورته مهال، د یادو دفترونو مسؤولینو هم خپلې ستونزې له نظارتي پلاوي سره شریکې کړې او د همکارۍ غوښتنه یې وکړه،چې نظارتي پلاوي د ستونزو د حل ډاډ ورکړ.
