په سرپل ولایت کې د عامه څړځای څه دپاسه د ۱۰ زرو ۳۰۰ جریبه ځمکې تثبیت
د سرپل ولایت د ځمکو د غصب د مخنیوی د تخنیکي هیئت ناسته د صفرالمظفر د میاشتې په ۲۶ نېټې د سه شنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې.
یاد هیئت د دوسیو له بررسۍ څخه وروسته د سانچارک ولسوالۍ د دهمرده کلي په یولتردي ساحې کې د عامه څړځای ۱۰۳۴۹ جریبه او ۱۰ بسوې او ۹ بسواسې ځمکه تثبیت کړه او لارښوونه یې وکړه چې په راتلونکې ناستې کې به د دعوا د لورو په حضور کې خپله پریکړه صادر کړي.
دغه راز د یاد ولایت له تخنیکي هیئت څخه یو ټیم د صفرالمظفر د میاشتې په ۲۷ نېټې د چهارشنبې په ورځ د یاد ولایت د صیاد ولسوالۍ بلند غور افغانیه ساحې ته سفر وکړ او د دعوا له لورو او مشرانو سره له ناستې څخه وروسته يې تر دعوا لاندې ساحې له نږدې ولیدلې او بررسي کړې.
