په جوزجان ولایت کې د کابو ۲۷۰ جریبه ځمکو دوسیې تر بررسۍ لاندې ونیول شوې
د جوزجان ولایت د ځمکو له غصب څخه د مخنيوي تخنيکي هيئت ناسته د جمادیالأولی د مياشتې په ۲۵نېټه، د یکشنبې په ورځ، د دغه هيئت د رئيس او غړو په ګډون جوړه شوه.
د تخنيکي هيئت په دې ناسته کې په منګجک ولسوالۍ کې د څه باندې ۱۲۳ جریبه ځمکې، د خانقاه ولسوالۍ په قليچ آباد کلي کې د ۱۱۸ جریبه ځمکې، د جوزجان ولایت د مرکز اړوند په ککرتک جر جګدلک کلي کې د څه باندې ۱۴ جریبه ځمکې او د یاد ولایت د آقچې ولسوالۍ په جزه کلي کې د څه باندې ۱۲ جریبه ځمکې دوسیې تر بحث او بررسۍ لاندې ونيول شوې.
هيئت پرېکړه وکړه چې د یادو ځمکو دوسیو په اړه دې املاکي څېړنې ترسره شي او په راتلونکې ناسته کې دې معلومات یې شريک شي.
همدارنګه په دې ناسته د ځمکو د غصب اړوند یو شمېر نورې دوسیې هم تر بررسۍ لاندې ونيول شوې او په اړه یې لازمې پرېکړې وشوې.
