په جوزجان ولایت کې د کابو ۱۸۰۰ جریبه ځمکې بررسي کېدل
د جوزجان ولایت د ځمکو له غصب څخه د مخنیوي تخنیکي هیئت ناسته د روژې د مياشتې په ۵ مه نېټه د چهارشنبې په ورځ، د دغه هیئت د رئیس او غړو په ګډون جوړه شوه.
تخنیکی هیئت په دې ناسته کې، د جوزجان ولایت د فیض آباد ولسوالۍ اړوند په کوکلداش کلي کې د څه باندې نهه سوه نهه نوي (۹۹۹) جریبه ځمکې او د خواجه دوکوه ولسوالۍ په قزل اياق کلي کې د اته سوه (۸۰۰) جریبه ځمکې دوسیې تر بحث او بررسۍ لاندې ونيولې.
هئيت پرېکړه وکړه چې د جوزجان ولایت د فیض آباد ولسوالۍ په کوکلداش کلي کې د څه باندې نهه سوه نهه نوي (۹۹۹) جریبه ځمکې دوسیه دې د وروستۍ پرېکړې په موخه مرکزي کميسيون ته واستول شي او همدرانګه د خواجه دوکوه ولسوالۍ په قزل اياق کلي کې د اته سوه (۸۰۰) جریبه ځمکې دوسیې په اړه املاکي څېړنې ترسره شي.
دغه راز، په یاده ناسته کې د جوزجان ولایت په کچه د ځمکو د غصب اړوند یو شمېر نورې دوسیې هم تر بحث او بررسۍ لاندې ونیول شوې او په اړه یې لازم تصامیم ونیول شول.
