په بلخ ولایت کې له يو شمېر دارالوکالو څخه نظارت ترسره شو
د شمال زون د مدافع وکيلانو آمريت نظارتي پلاوي د صفرالمظفر د میاشتې په ۹ مه نېټه د یکشنبې په ورځ د بلخ ولایت په مرکز، مزار شريف ښار کې له ۱۵ دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، د ثبت کتابونه، لوحې او نور سندونه بررسي کړل.
مؤظف پلاوي، د دغه نظارت په ترڅ کې یوه دارالوکاله چې په غير قانوني توګه فعاليت درلود وتړله او د پاتې نورو دارالوکالو یو شمېر نیمګړتیاوې یې مشخصې کړې. پلاوي د یادو دارالوکالو متصدیانو ته د نیمګړتیاو او ستونزو د لرې کولو په هکله لازمې توصیې کړې.
همدارنګه، د دغه نظارت په ترڅ کې مدافع وکيلانو خپل یو شمېر کاري ستونزې له نظارتي پلاوي سره شريکې کړې او د هغو د حل غوښتونکي شول چې د حل په برخه کې ډاډ ورکړل شو.
