ننګرهار ولایت کې کابو ۵۶۴۰ جریبه ځمکه امارتي تثبیت شوه
د ننګرهار ولایت د ځمکې د غصب د مخنیوي تخنیکي هیئت د سرخرود ولسوالۍ د ځینو سیمو څخه په لیدنې سره دغه ولایت کې ۵۶۴۰ جریبه ځمکه امارتي تثبیت کړه.
هیئت د سرخرود ولسوالۍ سلطانپور سفلی کلي ته ولاړ او ددغه کلي په جنوب کې د «سید اسحاق ګیلاني» په نوم ښارګوټی بررسي کړ.
یاد ښارګوټي کې ودانییز کارونه ترسره شوي او هم ځیني کورونه جوړ شوي دي. دغه هیئت یو شمېر تاسیسات ویجاړ کړل او د ساحې اوسیدونکو له پاره خبرداری ورکړل شو چې کورونه پریږدي.
په همدې حال کې د کابل ولایت د ځمکې د غصب د مخنیوي د تخنیکي هیئت ناسته ددغه هیئت د رییس او غړو په حضور سره خپل ناسته جوړه کړه او د سید جمال الدین او حبیب الله ځاځي ښارګوټو د سندونو د بررسۍ او د معلومات بشپړولو په اړه خبرې وکړې.
دغه راز هیئت د راتلونکي میاشت کاري پلان ترتیب کړ او یو شمېر مهمې سیمې د بررسۍ له پاره وټاکلې.
