فراه ولایت کي څه باندې ۵۳۰۰۰ جریبه ځمکه تثبیت او تشخیص شوه
![.](/sites/default/files/2023-05/frah_1.jpg)
د فراه ولایت د ځمکو د غصب د مخنیوي تخنیکي هیئت، د ذوالقعدې میاشت په ۳ نېټه د سه شنبې په ورځ د جوین ولسوالۍ خاکک ساحې ته ولاړ او دغې ساحه کې ځمکه یې بررسي کړې.
یاد شوي هیئت یو ټوټه ځمکه چې ۲۰۰۰۰ جریبه ځمکه په کې شامله ده او له ۱۳۱۹ کال راهیسې د ۴۴۳ کورنیو په تصرف کې ده، بررسي کړه. هیئت په دغې ساحه کې شرعي سندونه او وثیقه تطبیق کړه او د ځمکې اړوند سندونه به د وروستۍ پریکړې له پاره مرکزي کمېسیون ته واستوي.
دغه راز هیئت د پولې او صفري ټکي اړوند دوه ټوټې مواتې ځمکې چې ټولټال ۳۳۷۶۵ جریبه ځمکه په کې شامله ده بررسي کړې او هغه یې مواتې تثبیت او تشخیص کړې.
په مجموع کې ۵۳۷۶۵ جریبه ځمکه په دغې ساحه کې د هیئت لخوا تثبیت او تشخیص شوه.