فاریاب ولایت کې ۱۱.۲۳ جریبه امارتي ځمکه استرداد شوه
د فاریاب ولایت د ځمکې د غصب څخه د مخنیوي تخنیکي هیئت د میمنې ښار صیاد رجب کلي ته ولاړ او د کرنې ریاست د ځنګلونو سیمې اړوند ۱۱.۲۳ جریبه ځمکه چې د یو شخص لخوا غصب شوې وه، استرداد کړه. ۴۸۴ جریبه نوره ځمکه هم دغې سیمه کې د یاد شخص او کرنې ریاست ترمنځ تر دعوا لاندې ده. یاده ځمکه د تخنیکي هیئت لخوا کروکي او سکیچ شوه.
په همدې حال کې، کندهار ولایت کې د تخنیکي هیئت ناسته ددغه هیئت د رییس او غړو په حضور سره جوړه شوه او پکې د کاریز شکور په اړه بحث وشو او له محکمو سره په همغږۍ دغې موضوع ته پر جدي توجو ټینګار وشو.
دغه راز یاده ناسته کې د امارتي ځمکو پر اجارې ورکولو او د هغې له پاره د کړنلارې په اړه بحث وشو او پریکړه وشوه چې امارتي ځمکې له داوطلبۍ څخه پرته د تخنیکي هیئت تر نظارت لاندې یو کال له پاره په اجاره ورکړل شي.
دغې ناسته کې د کندهار ۱۹ ولسواليو ته د هیئت د سفر د لګښتونو په اړه هم بحث وشو او له امارتي ځمکو څخه د ساتنې په منظور ځینې نورې مهمې پریکړې هم وشوې.
پر دې سربېره، د ارزګان ولایت د تخنیکي هیئت ناسته د یاد هیئت د رییس او غړو په حضور سره جوړه شوه او خیرو کاریز کې د ترینکوټ نوي ښارګوټي موضوع پکې تر بررسۍ لاندې ونیول شوه.
دغې ناسته کې پریکړه وشوه چې هیئت راتلونکي غونډه کې دغه موضوع په دقت سره بررسي کړي او د معاملو د لارښوونو دفترونو ته لارښوونه وشي ترڅو دغه ښارګوټي کې له پېرلو او پلورلو څخه ډډه وکړي.
