زر جریبه ځمکه په خوست ولایت کې امارتي تشخیص شوه

hayat_admin
چهارشنبه, نوومبر 30 2022 9:19 AM
.

د ځمکي د غصب د مخنیوي د اقداماتو په لړۍ کې، د خوست ولایت د ځمکې د غصب د مخینویي تخنیکي هیئت په دغه ولایت کې د سیګۍ دښتې له سیمې څخه لیدنه وکړه او زر جریبه ځمکه یې امارتي تشخیص کړه.

یاد هیئت شنې قطعې ته لارښوونه وکړه چې هغه خلک چې له یادې ځمکې څخه استفاده کوي حاضر کړي ترڅو ثبت شي. دغه راز یادو غاصبانو ته استعلام ورکړل شو ترڅو هغه ته ځواب ورکړي. خوست ښار کې هم د ښاروالۍ اړوندو سیمو څخه چې د مارکیټ د مالکانو لخوا غصب شوي، لیدنه وشوه او د مارکیټونو مالکان د موضوع د بررسۍ په منظور هیئت ته وغوښتل شول

.

له بلې خوا په فاریاب ولایت کې د تخنیکي هیئت لومړۍ ناسته ترسره شوه او په هغې کې تصمیم ونیول شو چې غصب شوې سیمې او امارتي ځمکې د باصلاحیته هیئت لخوا تثبیت او د غاصبینو لیست جوړ او اړوندو مراجعو ته واستول شي.

1

د پنجشیر ولایت د تخنیکي هیئت لخوا جوړ شوي تخنیکي ټیم د غصب شوو ځمکو د بررسۍ په منظور ددغه ولایت شتل ولسوالۍ ته سفر وکړ. یاد ټیم د شتل له ولسوال سره وکتل اود امیرالمومنین حفظه الله د فرمان په اړه یې نوموړي ته معلومات وړاندې کړل.

دغه هیئت د سړک او سیند په غاړه د غیر قانوني جوړ شوو هوټلونو او دکانونو له مالکانو سره وکتل او له هغوی څخه یې د شرعي او قانوني سندونو غوښتنه وکړه.

1

سربېره پر دې د قندوز ولایت د ځمکې د غصب د مخنیوي د تخنیکي هیئت لومړۍ ناسته ددغه ولایت د والي په ریاست او د یاد هیئت د رییس او غړو په حضور سره جوړه شوه. په دغې ناسته کې، د غصب د مخنیوي په اړه د امیرالمومنین حفظه الله فرمان، موخې او ماده یې تشریح شوې.

د قندوز والي ددغه فرمان د بشپړ تطبیق په اړه ټینګار وکړ او له تخنیکي هیئت څخه یې وغوښتل چې د تطبیق په برخه کې یې عملي اقدامات ترسره کړي.

تازه خبرونه

شنبه, جنوري 28 2023 3:31 PM
Background image

کابل ولایت کې د معاملو د لارښوونې ۳۲ دفترونه د غیرقانوي فعالیت په دلیل وتړل شول

د عدلیې وزارت د معاملو د لارښوونې او د عریضې لیکوونکو د چارو ریاست د ۱۴۰۱ کال د مرغومي میاشت په ترڅ کې د معاملو د لارښوونې له ۱۹۵ دفترونو څخه په کابل ولایت کې نظارت او بررسي ترسره کړه. . .

شنبه, جنوري 28 2023 3:22 PM
Background image

دایکندي او سرپل ولایتونو کې څه دپاسه ۱۴۳ جریبه ځمکه امارتي تثبیت شوه

د دایکندي او سرپل ولایتونو د ځمکې د غصب د مخنیوي تخنیکي هیئتونو دغو ولایتونو کې له ځینو سیمو څخه لیدنه وکړه او څه دپاسه ۱۴۳ جریبه ځمکه امارتي تثبیت کړه.

د دایکندي ولایت تخنیکي  هیئت. . .

پنجشنبه, جنوري 26 2023 1:14 PM
Background image

نږدې ۸۷۰۰۰ جریبه ځمکه بادغیس ولایت کې بررسي شوه

د بادغیس ولایت د ځمکې د غصب د مخنیوي تخنیکي هیئت دغه ولایت کې له ځینو ساحو څخه لیدنه وکړه او ځمکې يې بررسي کړې.

یاد هیئت لامان او بند سبزک کلیو ته ولاړ او د پشته لامان ځمکې يې چې په. . .

BACK TO NEWS