د کال ۱۳۹۹ لپاره د عدليې وزارت تقنیني ستاژ د شمولیت آزموینه واخیستل شوه
د ا.ا.ج د عدليې وزارت د تقنیني ستاژ د شمولیت ازموینې څلورم دور د دغه وزارت لخوا د ۱۳۹۹ هـ.ش کال لپاره واخیستل شوه.
دغه ازموینه چهارشنبې ورځ، د کب ۷ نېټه د افغانستان په ملکي خدمتونو انستیتیوت کې واخیستل شوه. د دغې ازموینې په ترڅ کې ۶۶۰ تنه د حقوقو او شرعیاتو څانګو څخه فارغانو ګډون او آزموینه ورکړه چې، د آزادې سیالۍ له لارې به د تقنیني ستاژ دورې لپاره ترې بریالي کسان ټاکل کیږي.
د یاد ازموینې په پایله کې به د آزادې سیالۍ له لارې ۵۰ ته تقنیني ستاژ دورې ته لار پیدا کوي چې، له ۲۰ تنه یې نارینه او ۳۰ تنه یې د شرعیاتو او حقوقو پوهنځيو فارغ محصلین تشکیلوي.
د عدلیې وزارت د علمي حقوقي څېړنو او د قانون جوړونې انسټیټیوټ لوی رئیس د یاد ازموینې د پیل پر مهال وویل چې، یاد وزارت هڅه کوي څو له خپلو شته امکاناتو څخه د نوي ستاژرانو د ملاتړ او جذب لپاره مؤثر او هر اړخیزه ګټه پورته کړي.
ټاکل شوې د دغې ازموینې پایلې تر راتلونکو څو ورځو اعلان او د تقنیني ستاژ درسونه به یې د کال ۱۳۹۹ هـ.ش د وري میاشتې په ۳ مه نېټه پیل شي.
عدلیې وزارت د درېو کلونو راهیسې د حقوقو او شرعیاتو پوهنځيو څخه فارغانو لپاره د تقنیني ستاژ برنامې جوړوي، سږ کال۱۳۷ تنو او تېر کال ۱۰۰ تنو تقنیني ستاژ درسونه په ټاکلي یو کال کې بشپړ او د فراغت بریلیکونه یې ترلاسه کړي.
