د کارموندنې خبرتیا
Publish Date
Closing Date
د افغانستان اسلامي امارت لوړو موخو ته د رسیدلو په منظور د عدلیې وزارت د سالمې ادارې رامنځته کولو او اصلاح په موخه، کار اهل د کار ته د سپارلو، او د ژمنو انساني ځواک او د عدليې وزارت د اړتیا وړ د جذب او استخدام له پاره د معاملاتو لارښوونې او عریضه لیکونکو بهاداره سندونو د وېش مدیر د بورد غړی (څلورم رتبه) یو بست د لس کاري ورځو له پاره ۱۴۰۳/۳/۱۷ تر ۱۴۰۳/۴/۳هـ . ل اعلان ته سپاري.
د دندې سرلیک: د معاملاتو لارښوونې او عریضه لیکونکو بهاداره سندونو د وېش مدیر
بست: (۴)
وزارت یا اداره: عدلیې وزارت
د پست موقعیت: کابل
اړونده برخه: د انسجام عمومي ریاست
د بست شمېر: (۱) بست
راپور ورکول: د معاملاتو لارښوونو او عریضه لیکونکو چارو رئیس
راپور اخیستل: تر اثر لاندې (تشکیلاتي جوړښت مطابق) کارمندان
د دندې موخه:
د اصولو، موخو، پالیسۍ، لایحو، کړنلارو او اړوندو نافذ شویو تقنیني سندونو په مطابق کې د معاملاتو لارښوونې او عریضه لیکونکو د بهاداره سندونو د ثبت او وېش مدیریت او نظارت.
اساسي دندې:
- د معاملاتو لارښوونې د سټو، ثبت کتاب او چاپ شویو عریضو د مهر او نښانې کېدو مدیریت او د هغو نظارت؛
- په اړوند دیتابیس کې د معاملاتو لارښوونې د سټو او چاپ شویو عریضو له ثبت څخه ډاډ ترلاسه کول؛
- د معاملاتو لارښوونې د فعالیت جواز درلودونکو ته د معاملاتو لارښوونو د سټو او کتاب د چاپ مدیریت او د هغو نظارت؛
- د اړوند رئیس لارښوونې سره سم د عریضه لیکنې د فعالیت جواز درلودونکو ته د چاپو شویو عریضو له چاپ او وېش څخه ډاډ ترلاسه کول؛
- د معاملاتو لارښوونو د سټو، ثبت کتابونو او چاپ شویو عریضو له ساتنې څخه د هغو له اتلاف څخه د مخنیوي په منظور ډاډ ترلاس کول؛
- په اړوند دیتابیس کې د معاملاتو لارښوونو او عریضه لیکونکو د بهاداره سندونو اړوندو ټولو اجراآتو د ثبت مدیریت او د هغو نظارت
- د معاملاتو لارښوونو او عریضه لیکونکو بهاداره سندونو د تعرفې د صدور او تحویلۍ مدیرت او له هغو څخه نظارت؛
مدیریتي دندې:
- د ادارې ټاکل شویو موخو ترلاسه کولو له پاره؛ د ادارې له عمومي پلان سره سم د میاشتني، ربعوار او کلني کاري پلان جوړول او ترتیب؛
- د اجراآتو مدیریت، نظارت او ارزونه، تر اثر لاندې کارکوونکو زده کړو او ظرفیت لوړولو اړتیاوو تعیین؛
- د ادارې د مشرتابه د خبرولو په غرض د اړوندې برخې د فعالیتونو او لاسته راوړنو د ضرورت په مهال د میاشتني، ربعوار او کلنی راپور وړاندې کول؛
- له قوانینو، مقررو او د ادارې د موخو مطابق د اړوندو مقاماتو له لورې د نورو ورسپارل شویو دندو ترسره کول؛
د همغږۍ دندې:
- د ورسپارل شویو چارو پرخ وړلو په موخه له نورو اړوندو برخو سره همغږي او د اړیکو تامین
د ګمارنې:
- د افغانستان تابعیت ولري.
- عمر یې له (۱۸) کالو کم او له (۶۴) زیات نه وي.
تحصیلي سند او سویه:
- تحصیلي څانګه: لږ تر لږه په اسلامیاتو، شرعیاتو، حقوقو، اداره او عامه پالیسي، اقتصاد، ټولنیزو علوم، ژورنالیزم، سوداګرۍ او اداره، ټولنپوهنه او ادبیاتو څانګو کې د لیسانس تحصیلي سند درلودل پورته یادو شوو څانګو کې د لوړو درجو درلودونکو ته لومړیتوب ورکول کیږي.
کاري تجربه:
- لږ تر لږه یو کال.
لازم مهارتونه:
- د اړوندې برخې د پالیسۍ د تطبیق قابلیت
- د هیواد په یوې رسمې ژبې (پښتو یا دري) تسلط
- د دندې اړوند د کمپیوټري برنامو مهارتونو سره بلدتیا
په شرایطو برابر غوښتونکي کولای شي د اعلان شوي بست غوښتنلیک فورم له دغه ځای او یا هم د بشري سرچینو د ریاست د استخدام آمریت څخه په حضوري ډول ترلاسه کړي د فورمې له ډکولو څخه وروسته د ضرورت وړ سندونو او خپل کاري تجربې سره یوځای په ټاکل شوي وخت د بشري سرچینو ریاست ته تسلیم کړي.