د کابینې د قوانینو د کمېټې په غونډه کې د ۵ بین المللي سندونو بررسي
د کابینې د قوانینو کمېټې په یوه اختصاصي غونډه کې د بین المللي موافقه لیکونو او معاهدو ۵ سندونه بررسي کړل.
دغه غونډه د سې شنبې ورځې د تلې په لومړۍ نېټه، د جمهور رئیس د دویم مرستیال محمد سرور دانش په مشرۍ او د عدليې وزارت د سرپرست او نوماند وزیر او د کمېټې د نورو غړو په ګډون جوړه شوه.
د افغانستان حکومت او د جمهوري بلاروس ترمنځ د تخنیکي او نظامي همکاریو په اړه موافقه لیک، د لمریزې انرژۍ د بین المللي اتحادیې د تاسیس د موافقه لیک چوکاټ ((ASA، د فونوګرامونو په اړه د فکري مالکیت د حقوقو د نړیوال سازمان معاهده ((WIPO( په جینوا کې د ۱۹۹۶ مصوب)، د فکري مالکیت د نړیوال سازمان د کاپي رایټ معاهدې (په جینوا کې د ۱۹۹۶ مصوب) او د لوړو زده کړو د مدارکو د پېژندنې په اړه د آسیا پاسیفیک سیمه ییز کنوانسیون د دې ناستې د بحث وړ موافقه لیکونو او معاهدو څخه وه.
دغه ۵ بین المللي سندونه د ملي شوري له خوا هم تصدیق شوي او ټاکل شوې ده چې جمهوري ریاست ته د توشېح لپاره وړاندې شي.
