د کابل ښار د معاملاتو د لارښوونو د اتحادیې د حقوقي پوهاوي ورکولو په سیمینار کې د انسجام د لوی رئیس ګډون
د عدلیې وزارت د انسجام لوی رئیس مولوی عبدالصمد عمري او له هغه سره مل پلاوي د ربیع الاول د میاشتې په ۳ نېټې د دوشنبې په ورځ د حقوقي پوهاوي ورکولو په سیمینار کې چې د کابل ښار د معاملاتو د لارښوونو اتحادیې له لوري جوړ شوی وو، برخه واخیسته.
په دغه سیمینار کې، د عدلیې وزارت د انسجام لوی رئیس د یادې اتحادیې د رئیس او د معاملاتو د لارښوونې د مسؤلینو د مسؤلیتونو او واکونو په تړاو خبرې وکړې او د معاملاتو د لارښوونو د متصدیانو پوښتنو ته یې ځواب وړاندې کړ.
نوموړي د معاملاتو د لارښوونو مسؤلینو او د یادې اتحادیې بنسټ ایښودونکو ته توصیه کړه چې خپلې ټولې چارې او فعالیتونه د انسجام لوی ریاست له کړنلارې او د اسلامي شریعت د اصولو په مطابق ترسره کړي.
