د کابل ولایت په قره باغ ولسوالۍ کې د معاملاتو لارښوونو او موټرپلورنځیو ۱۳ دفترونه وتړل شول
د عدلیې وزارت نظارتي پلاوي د یاد وزارت د انسجام لوی رئیس مولوي حافظ عبدالصمد عمري په مشرۍ د جمادي الاول میاشتې په ۵ نېټې د یکشنبې په ورځ، د کابل ولایت قره باغ ولسوالۍ د معاملاتو لارښوونو او موټرپلورنځیو له دفترونو څخه لیدنه او نظارت ترسره کړ.
د یادې بررسۍ په ترڅ کې، د معاملاتو لارښوونو او موټر پلورنځیو له ۳۱ دفترونو لیدنه او نظارت ترسره شوه چې له دغې جملې څخه ۱۳ د معاملاتو لارښوونې او موټرپلورنځۍ د ځینو ستونزو د موجودیت لکه د مالیې نه تحویلول، له جعلي سټو څخه ګټه پورته کول او د نورو ناقانونو فعالیتونو په دلیل مهرلاک او وتړل شوې او د هغو متصدیان د راتلونکو اجراآتو په غرض د یاد وزارت د معاملاتو لارښوونو ریاست ته وغوښتل شول.
