د کابل شکردرې ولسوالۍ کې د ۴۰۰۰ جریبه غصب شوې ځمکې په اړه بررسي پیلېږي

hayat_admin
دوشنبه ۱۴۰۱/۹/۷ - ۱۵:۲۰
.

د دوو تېرو ورځو په لړ کې د پروان، کابل، پنجشیر او پکتیکا ولایتونو د غصب د مخنیوي او د غصب شوو ځمکو د تشخیص او تثبیت تخنیکي هیئتونوخپل ناستې جوړې کړې.

د کابل ولایت تخنیکي هیئت پریکړه وکړه چې  په شکردرې ولسوالۍ کې د ۴۰۰۰ جریبه ځمکې د غصب په اړه څيړنه وشي او عملي کار پرې پیل شي. دغه راز په یاده ناسته کې پريکړه وشوه چې د ملاتره خیل ښارګوټي شمال او لویدیځ کې د پاتي کرنیزې ځمکي په اړه هم څېړنه وشي. دغه هیئت راتلونکې سه شنبه د هیئت عملي کار د غصب شوو ځمکو د تصفیې او تثبیت په منظور بګرامۍ ولسوالۍ کې پیلوي.

1

د پروان ولایت تخنیکي هیئت ناسته کې پریکړه وشوه چې له ټولو ادارو څخه د غصب شوو ځمکو او غاصبانو په اړه معلومات وغوښتل شي. دغه راز پریکړه وشوه چې یاد هیئت په بګرام ولسوالۍ کې د خم کلان سیمې له غصب شوو ځمکو څخه لیدنه وکړي. په دغې ناسته کې د نظامې قطعې، د غصب شوو ځمکو سندونو او د  عمل پلان د ترتیب په اړه تصمیم نیول شوی او د ناستو غړو ته مشخصې دندې وسپارل شوې.

..

د پنجشیر ولایت تخنیکي هیئت ناسته کې پریکړه وشوه چې کاري تمرکز پر شتل ولسوالۍ زیات شي او نږدې ۳۰۰ جریبه غصب شوې ځمکه  چې هوټلونو او نور تاسیسات په کې شامل دي استرداد شي. دغه راز پریکړه وشوه چې تخنیکي ټیم شتل ولسوالۍ ته سفر وکړي او معلومات یې راټول او له سیمه ییزو خلکو سره دې همغږي وکړي ترڅو د تخنیکي هیئت د سفر زمینه برابره شي.

د  پکتیکا ولایت تخنیکي هیئت ناسته کې ددغه ولایت مرکز او ولسوالیو کې د غصب شوو ځمکو د تثبیت او تشخیص په منظور یو ۱۱ کسيزه کمېټه توظیفه شوه. دغه راز د اندړو او تاروخیلو قومونو ترمنځ د یو اندازې ځمکې په سر شخړې بررسې شوې او له مشرانو څخه یې سندونه وغوښتل شول او پریکړه وشوه چې تر هغه مهال چې یاد سندونه د هیئت لخوا بررسي کیږي، د شخړي لاندې ځمکې باندې هیڅ لوری د تصرف حق نه لري.

تازه خبرونه

پنجشنبه ۱۴۰۲/۱/۱۰ - ۱۱:۲۶
Background image

د بلخ ولایت د ځمکو د غصب د مخنیوي د تخنیکي هیئت د ناستې جوړیدل

د بلخ ولایت د ځمکو د غصب د مخنیوي د تخنیکي هیئت ناسته د دغه هیئت د رئیس او غړو په حضور سره جوړه شوه او په کې د ځمکو د غصب د مخنیوي په برخه کې لازم  تصمیمونه ونیول شول.

په دغې ناسته کې،. . .

پنجشنبه ۱۴۰۲/۱/۱۰ - ۱۰:۱۳
Background image

د هرات او کنړ ولایتونو د تخنیکي هیئتوتو د ناستو او عملي اقداماتو ترسره کیدل

د هرات او کنړ ولایتونو د ځمکو د غصب د مخنیوي تخنیکي هیئتونو د تېرو دوو ورځو په ترڅ کې، خپل ناستې جوړې کړې او د ځمکو د غصب د مخنیوي په برخه کې عملي اقدامات ترسره کړل.

د هرات ولایت د. . .

پنجشنبه ۱۴۰۲/۱/۱۰ - ۹:۳
Background image

د ځمکو د غصب د مخنیوي کمېسیون او د کابل ولایت د تخنیکي هیئت ګډ کار دغه ولایت کې د ځمکو د غصب د مخنیوي په منظور پیلیږي

د ځمکو د غصب د مخنیوي او د غصب شویو ځمکو د استرداد کمېسیون مشرتابه د عدليې وزارت د سرپرست او ددغه کمېسیون د رئیس شیخ الحدیث مولوي عبدالحکیم شرعي په مشرۍ د ۱۴۴۴ هجري قمري کال د روژې د. . .

BACK TO NEWS