د پکتیکا ولایت د ځمکو د غصب د مخنیوي د تخنیکي هیئت ناسته جوړه شوه
د پکتیکا ولایت د ځمکو د غصب د مخنیوي د تخنیکي هیئت ناسته د شوال میاشت په ۱۷ نېټه د یکشنبې په ورځ د یاد هیئت د رئیس او غړو په حضور سره جوړه شوه.
په دغې ناسته کې د یوسف خیل ولسوالۍ د الله اکبر په دښته کې د امارتي ځمکو د بیا غصب او د دغې ولسوالۍ د زمري کوټ له ساحې څخه دلیدنې په اړه بحث وشو او پریکړه وشوه چې له یادو ساحو څخه د دوشنبې په ورځ لیدنه وشي او دغه راز پریکړه وشوه چې د متاخان ولسوالۍ د ډنډ له ساحې څخه هم لیدنه وشي.
دغه راز په یاده ناسته کې یو شخص چې د امارتي ځمکو په پېر او پلور تورن وو د لومړۍ حوزې له لارې جلب شو او موضوع یې تعقیب شوه.
