د پکتیا ولایت د زرمت ولسوالۍ د معاملاتو لارښوونو، موټر پلورنځیو او له عریضه لیکونکو نظارت او بررسي
د پکتیا ولایت د عدلیې ریاست د انسجام لوی مدیر د جمادي الاول میاشتې په ۱ نېټې د چهارشنبې په ورځ د یاد ولایت زرمت ولسوالۍ ته ولاړ او د یادې ولسوالۍ له ولسوال او د امنیه قوماندان له مرستیال سره وکتل او خبرې وکړې.
نوموړي په دغې ناسته کې د پنجشنبې بازار د تړلو او د اتحادیو او خیریه بنسټو په واسطې د جواز اخیستو په تړاو د یادې ولسوالۍ له ولسوال او د امنیه قوماندان مرستیال سره خبرې وکړې او په دغې برخه کې د هغوی د همکارۍ غوښتونکی شو.
د زرمت ولسوالۍ ولسوال او د امنیه قوماندان مرستیال ژمنه وکړه چې د پورته مواردو په برخه کې به له عدليې ریاست سره همکاري وکړي.
وروسته د پکتیا ولایت د عدلیې ریاست د انسجام لوی مدیر د یادې ولسوالۍ د معاملاتو لارښوونو، موټرپلورنځیو او عریضه لیکونکو څخه لیدنه او نظارت وکړ او په پایله کې یو موټر پلورنځۍ او څلور دوکانونه د موټر ناقانونه پېر او پلور په دلیل مهرلاک او وتړل شوې.
