د ټرانسپورټ پر وزارت او پر آریانا افغان هوايي شرکت د کویتي ناس شرکت د اعتراض او د اولیف ګروپ ددعوا په اړه د ناستې جوړېدل
د ریاست الوزراء د مقام د لارښوونې او د افغانستان د اسلامي امارت د کابینې د مصوبې د تحقق پر اساس، د رجب المرجب میاشت په ۲۸ نېټه د یکشنبې په ورځ د کویتي ناس شرکت د اعتراض او د اولیف ګروپ د دعوا په تړاو په عدليې وزارت کې ناسته جوړه شوه.
دغه ناسته د عدليې وزارت د سرپرست شیخ الحدیث مولوي عبدالحکیم شرعي په مشرۍ او د بهرنیو چارو، ټرانسپورټ، مالیې، اوبو او بریښنا، صنعت او سوداګرۍ وزارتونو، د آریانا افغان هوایي شرکت او د عدليې وزارت د تقنین لوی ریاست د استازو په ګډون جوړه شوه.
یادې ناسته کې د ټرانسپورټ او هوايي چلند پر وزارت او پر آریانا افغان هوايي شرکت د کویتي ناس شرکت د اعتراض او د اولیف ګروپ د دعوا په برخه کې بحث او د نظرونو تبادله ترسره شوه.
په دغې ناسته کې پریکړه وشوه چې د اولیف ګروپ او کویتي ناس شرکت د قضیو په تړاو، د وزارتونو او اړوندو ادارو په همکارۍ مدافع وکیل وګمارل شي او د بهرنیو چارو وزارت یې د ګمارنې د تسهیل زمینه برابره کړي.
