د نورستان او لوګر ولایتونو د تخنیکي هیئتونو د ناستو جوړیدل
د نورستان او لوګر ولایتونو د ځمکې د غصب د مخنیوي د تخنیکي هیئتونو ناستې ددغو هیئتونو د رییسانو او غړو په ګډون جوړې شوې.
د نورستان ولایت د ځمکې د غصب د مخنیوي تخنیکي هیئت ددغه ولایت دوآب ولسوالۍ ته ولاړ او ددغې ولسوالۍ له ولسوال سره یې وکتل.
یاد هیئت د ځمکې د غصب د مخنیوي د تخنیکي هیئت مقرره نوموړي ته تشریح کړه او د دوآب ولسوال له هیئت سره د همکارۍ ډاډ ورکړ.
پر دې سربېره، د لوګر ولایت تخنیکي هیئت د استیناف محکمې او اختصاصي محکمې له مسوولینو سره د همغږۍ ناسته جوړه کړه.
دغې ناسته کې پریکړه وشوه چې د هیئت چارې به په ګډ ډول پرمخ یوړل شي او اړوند معلومات یې په منظم ډول شریک کړل شي ترڅو کارونه له ننګونو سره مخ نه شي.
