د لغمان ولایت له والي سره د یاد ولایت د ځمکو د غصب د مخنیوي د تخنیکي هیئت کتنه
د لغمان ولایت د ځمکو د غصب د مخنیوي تخنیکي هیئت د ذوالحجې د میاشتې په ۳ نېټه د چهارشنبې په ورځ د یاد ولایت له والي سره وکتل او له نوموړي سره یې د خپل لاسته راوړنو راپور شریک کړ.
په دغې ناسته کې، تخنیکي هیئت د غبرګولي د میاشتې د خپلو فعالیتونو راپور د لغمان له والي سره شریک کړ او د یاد هیئت د غونډو جوړولو په اړه یې هم معلومات وړاندې کړل. په همدې توګه هیئت خپل یو لړ کاري ستونزې هم له والي سره شریکې کړې.
د لغمان ولایت والي د هیئت د فعالیتونو په ستایلو سره، د تخنیکي هیئت له مشرتابه سره د ستونزو هوارولو په برخه کې د همکارۍ ژمنه وکړه.
