د عدلیې وزارت د دعوت او ارشاد رئیس د پکتیا له عدليې ریاست څخه لیدنه وکړه
د عدلیې وزارت د دعوت او ارشاد رئیس مفتي محمد زرین ساجد پکتیا ولایت ته سفر وکړ او د شعبان په ۲۷ نېټه د دوشنبې په ورځ یې ددغه ولایت له عدليې ریاست څخه لیدنه وکړه.
نوموړي د عدليې ریاست څخه د لیدنې په ترڅ کې د عدلیې رئیس مولوي محمد رئیس محمدي او ددغه ریاست له کارکوونکو سره وکتل او له هغوی سره یې خبرې وکړې.
د پکتیا د عدليې رئیس د دعوت او ارشاد رئیس ته د ښه راغلاست ویلو ترڅنګ د نبوي سنتو په مطابق د کارکوونکو د سیرت او صورت برابرولو او له عدليې وزارت څخه عدليې ریاستونو د دیني درسونو استول شوی چپتر چې هره ورځ د ماسپښین له لمانځه څخه وروسته کارکوونکو ته وړاندې کیږې، په اړه یې نوموړي ته معلومات ورکړل.
د عدليې وزارت د دعوت او ارشاد رئیس هم ددغه وزارت د مقام د لارښوونې په مطابق له نبوي سنتو سره سم د کارکوونکو د سیرت او صورت برابرولو په اړه خبرې وکړې. دغه راز نوموړي د پکتیا د عدليې ریاست چارې مثبتې و ارزولې.
