د عدليې وزیر د کابل له ښاروال سره وکتل
د اسلامي امارت د عدليې وزارت سرپرست شیخ الحدیث مولوي عبدالحکیم شرعي د ربیع الاول په ۱۵ د سه شنبې په ورځ د کابل ښاروال مولوي عبدالرشید او مل پلاوي سره د دغه وزارت په مقر کې وکتل.
په دغې لیدنه کې چې د ښاري خدمتونو معین، د پلان جوړونې معین، د حقوقو رییس، د طرح او تطبیق رییس، د کابل ښاروالۍ د استملاکو رییس او د عوایدو رییس، د امارت د قضایاو لوی رییس او د کابل د قضایاو رییس په حضور کې جوړه شوه، د کابل ښار د ښارګوټو د بررسۍ په اړه، د امارت د قضایاو ریاست او د کابل ښاروالۍ او د هواي ډګر د سړک په مسیر کې د هوټلونو ترمنځ د همغږۍ په اړه خبرې وشوې.
په دغې ناسته کې پریکړه وشوه چې د یادو موضوعاتو د بررسۍ په منظور یو ګډ ټیم چې د امارت د قضایاو ریاست، د ښار جوړولو وزارت، د ځمکو ادارې، محکمې او د کابل د ښاروالۍ له استازو جوړ شي ترڅو دغو موضوعاتو ته رسیده ګي وکړي.
دغه راز پریکړه وشوه، چې له دې وروسته د ښاروالۍ استازی هم د ځمکو د غصب د مخنیوي کمېسیون په ناستو کې ګډون وکړي.
