د شمال زون مدافع وکیلانو آمریت او د بلخ ولایت استیناف محکمې رياست ترمنځ د همغږۍ ناسته ترسره شوه
د شمال زون مدافع وکيلانو آمر مولوي اسدالله ابو حکمت د جمادی الأولی د میاشتې په ۲۴مه نېټه، د شنبې په ورځ د بلخ ولایت د استیناف محکمې رئيس مولوي غلام الله عادل سره د یاد رياست په مقر کې د همغږۍ ناسته ترسره کړه.
په دې ناسته کې مولوي اسدالله ابو حکمت په بلخ ولایت کې د مدافع وکیلانو یو شمېر ستونزې مطرح کړې او څرګنده یې کړه چې هغه مدافع وکیلان چې له عدلیې وزارت څخه د فعالیت قانوني جواز نهلري، د هغوی وثیقې دې نه اجرا کېږي.
د استیناف محکمې رئیس هم د مطرح شویو موضوعاتو په اورېدو سره ډاډ ورکړ چې د موجودو ستونزو په برخه کې به له اړوندو ادارو سره لازمه همغږي وکړي او د حل په برخه کې یې اقدام کوي.
