د سمنګان ولایت د ځمکو د غصب د مخنیوي د تخنیکي هیئت د ناستې جوړیدل
د سمنګان ولایت د ځمکو د غصب د مخنیوي د تخنیکي هیئت ناسته د ذوالقعدې د میاشت په ۷ نېټه د شنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې، د سمنګان د مرکز په تخته آقمزار ساحه کې د یو شخص تر دعوا لاندې د ۱۰۰ جریبه ځمکې موضوع د رسیدګۍ په اړه بحث او د نظرونو تبادله ترسره شوه.
دغه راز په یاده ناسته کې د یاد شخص تر اجارې لاندې د ۵۰ جریبه ځمکې او چاپېره یې د امارتي ځمکو په اړه، چې د افرادو لخوا د غصب په حال کې وې او د هیئت لخوا یې د غصب مخنیوی شوی ده بحث وشو او له محکمو څخه د استول شویو دوسیو پر اجراآتو پریکړه وشوه.
