د سرپل ولایت د تخنیکي هیئت عملي اجراآت او د ناستې جوړیدل
د سرپل ولایت د ځمکو د غصب د مخنیوي تخنیکي هیئت خپل ناستې د دوو تېرو کاري ورځو په ترڅ کې جوړې کړې او د ځینو موضوعاتو د بحث او بررسۍ سربېره، د سوزمه کلا ولسوالۍ له ځینو ساحو څخه هم لیدنه وکړه.
یاد هیئت د شوال میاشتې په ۲۶ نېټه د سه شنبې په ورځ خپله ناسته کې، په سوزمه قلعه ولسوالۍ کې پر امارتي ځمکه چهاریک په بازار (جمعه بازار) کې د جوړو شویو دوکانونو د موضوع په اړه بحث وکړ.
دغه هيئت دوه یمه ورځ یادې ولسوالۍ ته ولاړ او له سیمه ییزو او امنیتي مسوولینو سره یې وکتل. ورپسې یاد هیئت ساحې ته ولاړ او د سیمې له دوکاندارانو، سپین ږیرو او اوسیدونکو سره یې وکتل او خبرې یې ورسره وکړې.
تخنیکي هیئت له دوکاندارانو څخه اړین معلومات واخیستل، هغوی او د ښاروالۍ او ولسوالۍ مسوولینو ته یې استعلامونه وویشل.
