د راستنیدونکو مهاجرینو له مجبوریتونو له ناوړه ګټه پورته کولو څخه د ډډې کولو په برخه کې د معاملاتو د لارښوونې دفترونو ته د عدلیې وزارت خبرتیا

hayat_admin
.

د اسلامي امارت د عدلیې وزارت په دې ورستیو کې شکایتونه ترلاسه کړي چې په ډاګه کوي د معاملاتو د لارښوونې یو شمېر دفترونه له ګاونډیو هیوادونو د مهاجرینو د راستنیدو له بهیر او د مهاجرینو له مجبوریتونو څخه ناوړه ګټه پورته کوي او د کرایې او کمېشن په برخه کې له هغوی څخه په اخاذۍ لاس پورې کوي.

د عدلیې وزارت له یاد وزارت څخه د فعالیت جواز درلودونکو د معاملاتو د لارښوونو له  ټولو دفترونو څخه غواړي له راستنیدونکو سره چې ګڼ شمېر بې وزله دي، د جایدادونو د کرایې ورکولو په برخه کې هر اړخیزه همکاري وکړي او د واقعي بیو په خلاف په لوړه بیه د کورونو په کرایه ورکولو او د اصولو خلاف له کمېشن اخیستلو څخه ډډه وکړي. د دغه ډول سرغړونو د لیدلو په صورت کې به د عدلیې وزارت له سرغړونکو سره اصولي چلند وکړي.

دغه راز موږ له خپلو هغو هیوادوالو څخه چې خپل جایدادونه په کرایې ورکوي هیله کوو چې له راستنیدونکو مهاجرینو سره همکاري وکړي او خپل جایدادونه هغوی ته په مناسبې بيې په کرايې ورکړي ترڅو خپل ایماني او وجداني مسؤلیت ادا کړي.

هیوادوال کولی شي د معاملاتو د لارښوونو دفترونو د سرغړونو د لیدو په صورت کې د لاندنیو اړیکو شمېرو له لارې د عدليې وزارت ته خبر ورکړي ترڅو لازم اقدامات ترسره شي.

۰۷۷۶۱۲۶۴۲۸  او ۰۷۷۷۳۸۳۳۷۰

Latest announcements

چهارشنبه ۱۴۰۳/۳/۲ - ۱۰:۲۰
Background image

د دفاع وکالت د دریم دور ورودي ازموینه کې ګډون لپاره د نوم لیکنې نېټې د تمدید په اړه د عدلیې وزارت خبرتیا

د دفاع وکالت د جواز غوښتونکو ته خبر  ورکول کیږي، چې د دفاع وکالت د دریمې دورې د ورودي ازموینې  لپاره نوم لیکنه د روان کال سر له نن سه شنبې د غبرګولي د میاشتې له لومړۍ نېټې څخه ۲۰ ورځې . . .

سه‌شنبه ۱۴۰۳/۳/۱ - ۱۰:۵۴
Background image

د معاملاتو لارښوونو په دفترونو کې د ګروي سټو د استفادې ممنوعیت په اړه د عدلیې وزارت خبرتیا

د عدلیې وزارت د معاملاتو لارښوونو ټولو جواز لرونکو ته خبر ورکوي چې د اسلامي شریعت او نیول شوي تصمیم له مخې، وروسته له دې نه شي کولای چې د ګروۍ له سټو څخه استفاده وکړي.

د یاد جواز . . .

پنجشنبه ۱۴۰۳/۲/۲۰ - ۱۰:۴۱
Background image

د مدافع وکیلانو د ارزونې د ۵۲ دورې د پاېلو خبرتیا

د عدلیې وزارت د مدافع وکیلانو د ارزونې د بهیر ۵۲ دوره د غویي د میاشتې په ۱۸ نېټه د سه شنبې په ورځ د دغې دورې د ګډونکوونکو په حضور سره جوړه کړه.

د ارزونې په دغې دورې کې ۸ تنه مدافع . . .

Back to announcements