د خوست ولایت د ځمکو د غصب د مخنیوي د تخنیکي هیئت له خوا د ۱۵ کورونو ویجاړیدل
د خوست ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۱۸ نېټه د چهارشنبې په ورځ د هیئت د رئیس او غړو په حضور سره جوړه شوه او هم دغه ولایت کې له ځینو ساحو څخه لیدنه وشوه.
یاد شوي هیئت له غونډې څخه وروسته د دغه ولایت د والي د لارښوونې مطابق، د یاد ولایت د مرکز اړوند خوړې ساحې ته ولاړ او په دغې ساحې کې ۱۵ کورونه په بشپړ ډول ویجاړ کړل او امارتي ملکیتونه یې له غصب څخه خلاص کړل.
یاد شوي کورونه له خبردارۍ سره، د دوه یم ځل له پاره د خلکو له خوا جوړ شوي وو. یو شمېر اشخاص چې د کورونو ویجاړولو پر سر یې له تخنیکي هیئت سره جنجال کاوه هم د امنیتي مسؤلینو له خوا ونیول شول او د عدليې او قضائي تعقیب له پاره د خوست امنیه قوماندانۍ ته وروپېژندل شول.
