د جوزجان ولایت د عدلیې او کرنې رياستونو ترمنځ د همغږۍ ناسته جوړه شوه
د جوزجان ولایت د عدلیې ریاست او د کرنې رياست ترمنځ د همغږۍ ناسته د صفر المظفر دمياشتې په ۲۱ مه نېټه د یکشنبې په ورځ د دواړه ریاستونو د رئیسان او نور مسؤولینو په ګډون سره د جوزجان ولایت د کرنې رياست په مقر کې جوړه شوه.
په دې ناسته کې د جوزجان د عدلیې رئیس وویل چې دا ریاست د امارتي او عامه منقولو او غیر منقولو شتمنیو څخه په محاکمو کې دفاع کوي او زیاته یې کړه چې په تېرو وختونو کې ډېرې ځمکې غصب شوي او د هغو له قضیو څخه د دفاع کولو په برخه کې د نورو اړوندو ادارو همکاري اړینه ده.
همدارنګه په یاده ناسته کې نوموړي د امارتي ځمکو او ملکیتونو په تړاو د یاد ولایت د کرنې له ریاست څخه د همکارۍ غوښتنه وکړه.
له بلې خوا د جوزجان د کرنې رئیس له عدلیې ریاست سره د یادې ادارې له همکارۍ څخه ډاډ ورکړ او دواړو لورو د همغږۍ ناستو پر داوم ټینګار وکړ.
